Бакалаўрскія праграмы

Пры паступленні на завочныя праграмы ЕГУ:

• залічэнне адбываецца без уступных іспытаў, адпаведна – без стрэсу для абітурыентаў і іх бацькоў;
• заявы на паступленне прымаюцца па электроннай пошце; 
• улічваюцца пройдзеныя ў іншых ВНУ дысцыпліны і скарачаецца тэрмін навучання (да двух-трох гадоў);
• падаецца поўны пакет суправаджальных паслуг - візавая падтрымка, дапамога ў падборы недарагога жылля на час сесіі і інш.;
• найлепшым студэнтам выдаецца бясплатная гадавая літоўская віза;
• вочныя сессія сесіі праводзяцца ў Вільнюсе.

ЕГУ працягвае еўрапейскую традыцыю класічнай гуманітарнай адукацыі, фармуючы ў студэнтаў навыкі крытычнага, крэатыўнага мыслення і адкрытасць да інавацый. Студэнты і выпускнікі ЕГУ маюць шырокія перспектывы самарэалізацыі ў акадэмічнай, прафесійнай і грамадскай сферах, а таксама магчымасць удзелу ў міжнародных адукацыйных, творчых і навукова-даследчых праектах (канферэнцыях, летніх моўных школах, семінарах і інш.). Ва універсітэце працуюць вядучыя беларускія і замежныя выкладчыкі. Па заканчэнні бакалаўрскіх праграм выпускнікі універсітэта маюць магчымасць працягнуць адукацыю ў магістратуры ЕГУ і іншых еўрапейскіх ВНУ.

Увага! Пры адсылцы паведамленняў, калі ласка, не забудзьце выдаліць прабелы ў электронным адрасе бакалаўрскай праграмы злева і справа ад знака "@" (прабелы надрукаваныя ў мэтах абароны ад спаму). Напр., адрас, указаны ў нас на сайце як "name @ university.lt", у полі "Каму" вашага электроннага ліста павінен быць уведзены ў такім выглядзе: name@university.lt.