Дні адчыненых дзвярэй

Дні адчыненых дзвярэй у 2010 годзе адбудуцца 20 сакавіка, 17 красавіка і 22 мая.

У адзін з гэтых дзён вы зможаце зрабіць экскурсію па навучальным корпусе і асабіста пазнаёміцца з супрацоўнікамі адміністрацыі, выкладчыкамі і студэнтамі. Таксама з дапамогай візіту ва універсітэт магчыма ўжо зараз пачаць працэс паступлення: эсэ, напісаныя гэтымі днямі ва універсітэце, будуць прымацца да разгляду прыёмнай камісіяй пры паступленні.

Месца правядзення:навучальны корпус ЕГУ, вул. Валакупю (Valakupiu), 5. Нумар аўдыторыі будзе пазначаны на аб’яве пры ўваходзе ва універсітэт.

Пачатак асноўнай праграмы: 11.00.

У праграме сустрэчы:

• знаёмства з універсітэтам (экскурсія і прэзентацыі);
• гутарка з кіраўнікамі універсітэта і старшынямі бакалаўрскіх/магістарскіх праграм, выкладчыкамі і студэнтамі;
• магчымасць напісаць экзаменацыйнае профільнае эсэ ці здаць экзамен па кампазіцыі (для тых, хто паступае на бакалаўрскія праграмы). Экзамены будуць праводзіцца на другі дзень, гэта значыць, 21 сакавіка, 18 красавіка, 23 мая з 9.00.

Мы просім наведвальнікаў Дзён адчыненых дзвярэй загадзя папярэдзіць нас пра свой прыезд, запоўніўшы форму заявы. У выпадку ўзнікнення пытанняў адносна ўдзелу ў Днях адчыненых дзвярэй, пішыце на адрас opendoors @ ehu.lt

Увага! Для ўдзелу ў Дні адчыненых дзвярэй беларускія абітурыенты, грамадзяне і рэзідэнты Беларусі, у якіх няма нацыянальнай літоўскай ці шэнгенскай візы, могуць скарыстацца дапамогай універсітэта ў падачы дакументаў на візу ў амбасаду Літвы не ў парадку агульнай чаргі. Віза з’яўляецца платнай, яе кошт складае 60 еўра.

Заявы да ўдзелу ў Днях адчыненых дзвярэй прымаюцца да пазначанага ніжэй тэрміну:

Дата правядзення Дня адчыненых дзвярэй	Крайні тэрмін падачы заяваў без візавай падтрымкі	Крайні тэрмін падачы заяваў і пашпартных дадзеных для візавай падтрымкі
20 сакавіка 2010 г.	18 сакавіка 2010 г., 14:00	8 лютага 2010 г., 14:00
17 красавіка 2010 г.	15 красавіка 20010 г., 14:00	5 сакавіка 2010 г., 14:00
22 мая 2010 г.	20 мая 2010 г., 14:00	12 красавіка 2010 г., 14:00

Азнаёмцеся, калі ласка, з рэкамендацыямі для наведвальнікаў Дзён адчыненых дзвярэй у ЕГУ.

Задаць пытанні пра паступленне і навучанне ў ЕГУ і атрымаць кампетэнтныя адказы на іх можна таксама пасродкам віруальнага камунікавання з адміністрацыяй праграм па агульнай электроннай пошце admission @ ehu.lt альбо па электронных адрасах праграм, якія мы можаце знайсці ў аб'яве пра пачатак прыёмнай кампаніі і ў раздзеле «Абітурыентам» на форуме студэнтаў ЕГУ.

Версія для друку