Мэта: Сыстэматычны канцэптуальны аналіз існуючых і перспектыўных практык уяўлення і канструявання беларускай ідэнтычнасці ў еўрапейскім вымярэнні.
Чакаемые вынікі: Навыкі вызначэння і аналізу практык канструявання беларускай ідэнтычнасці на аснове канцэптуальных структураў сучаснай сацыяльнай тэорыі і еўрапейскай палітычнай арыентацыі.
Змест прадмета: Сучасная Беларусь знаходзіцца ў сітуацыі палітычнага, нацыянальнага, культурнага самавызначэння. Пошукі перспектываў уяўлення беларускай ідэнтычнасці ідуць (негатыўна ці пазітыўна) у рэчышчы развіцця Еўрапейскага Саюзу і еўрапейскай ідэнтычнасці. Часцяком для новых падыходаў да праблемы не хапае ведання моваў сучаснай сацыяльнай тэорыі. У курсе з выкарыстаннем рэпрэзэнтатыўных тэкстаў робіцца спроба адаптаваць гэтыя мовы да беларускай сітуацыі і вызначыць перспектывы фарміравання беларускай ідэнтычнасці як ідэнтычнасці еўрапейскай.
Праграма ўключае наступныя тэмы:
1. Нацыянальная і постнацыянальная ідэнтычнасць: погляд сучаснай сацыяльнай тэорыі.
2. Практыкі канструявання беларускай ідэнтычнасці: мінулае і сучаснасць.
3. Посткамуністычная Беларусь: мадэрніці і/альбо постмадэрніці.
4. Посткаланіяльныя і постімперскія вымярэнні беларускіх ідэнтытарных практык.
5. Ідэя Еўропы ў беларускім кантэксце.
6. Перспектывы еўрапейскага вымярэння беларускай ідэнтычнасці.
Патрабавнні да слухачоў: Студэнты павінны праслухаць наступныя курсы: уводзіны ў сацыяльна-крытычную тэорыю, уводзіны ў посткаланіяльную тэорыю, уводзіны ў сучасную сацыяльную тэорыю, уводзіны ў праблему ідэнтычнасці.
