Еўрапейскі гуманітарны універсітэт абвяшчае конкурс творчых працаў сярод абітурыентаў 2010 года.
Конкурс "Інтэлектуальны марафон" будзе праводзіцца па ўсіх вучэбных накірунках бакалаўрскай школы з мэтай выявіць адораных прэтэндэнтаў на навучанне з прадстаўленнем магчымасці паступаць у ЕГУ на асаблівых умовах.
Будучыя абітурыенты могуць браць удзел у конкурсе па адным з вучэбных накірунках бакалаўрскай школы:
Конкурс творчых працаў абітурыентаў ЕГУ "Інтэлектуальны марафон" праводзіцца ў два этапы: папярэдні адборачны этап і вочны этап. На папярэднім этапе конкурса па ўсіх вучэбных накірунках неабходна напісаць хатнюю творчую працу (сачыненне-эсэ) на тэму "Што значыць быць еўрапейцам?".
Патрабаванні да выканання працы: друк у фармаце А4, міжрадковы інтэрвал 1,5, шрыфт – Times New Roman, памер шрыфту – 12. Аб’ём – 3-4 старонкі. Мова напісання – беларуская ці руская. Калетыўныя працы да разгляду прымацца не будуць. Творчая праца мусіць быць адасланая да 23 сакавіка 2010 года па электроннай пошце на адрас marathon @ ehu.lt разам з заявай для ўдзелу ў конкурсе.
Канкурсанты, якія паспяхова прайшлі папярэдні этап, запрашаюцца да ўдзелу ў вочным этапе, пра што ім будзе паведамлена да 26 сакавіка 2010 года. Вочны этап адбудзецца ў адзін з дзён школьных вакацый: 29 сакавіка - 4 красавіка 2010 года.
Падчас вочнага этапа конкурса ўдзельнікам па ўсіх вучэбных накірунках, акрамя праграмы “Медыя і візуальны дызайн”, будзе прапанавана выканаць пісьмовае творчае заданне па абраным вучэбным накірунку. Час абмежаваны 120 хвілінамі. Вочны этап конкурса для ўдзельнікаў, якія абралі накірунак “Медыя і візуальны дызайн”, праходзіць у форме выканання творчых заданняў па фармаце ўступнага экзамена па кампазіцыі. Час абмежаваны 360 хвілінамі.
Пераможцы конкурса творчых прац абітурыентаў ЕГУ "Інтэлектуальны марафон", якія занялі I-III месцы, вызваляюцца ад уступнага экзамена па напісанні профільнага эсэ, а абітурыенты праграмы “Медыя і візуальны дызайн” – ад уступнага экзамена па кампазіцыі. Па ўзгаданых выпрабаваннях ім выстаўляюцца выдатныя адзнакі (10 балаў). Пры залічэнні ў ЕГУ прыёмная камісія дадае пераможцам конкурса 0,5 бала да агульнай сумы балаў, набраных паводле вынікаў уступных экзаменаў. Пры залічэнні ў ЕГУ пераможцы маюць перавагі пры іншых роўных умовах.
Пераможцы конкурса будуць запрошаныя ў Вільнюс на Міжнародную студэнцкую навуковую канферэнцыю, якая адбудзецца ў сярэдзіне мая; ім будуць аплачаныя дарожныя выдаткі, пражыванне, культурная праграма і візы.
Прызёры конкурса вызваляюцца ад уступнага экзамена па напісанні профільнага эсэ (экзамена па кампазіцыі ў выпадку праграмы "Медыя і візуальны дызайн") з выстаўленнем атрыманай на конкурсе адзнакі.
Вынікі будуць паведамленыя ўдзельнікам да 7 красавіка 2010 па электроннай пошце.
