Студэнцкія прадстаўнікі Літвы супраць прыняцця Беларусі ў Балонскі працэс
Саюз студэнтаў Літвы (ЛСС) выказваецца супраць прыняцця Беларусі ў Еўрапейскую прастору вышэйшай адукацыі (European Higher Education Area – EHEA) у сувязі з рэпрэсіямі ў дачыненні да студэнтаў, а таксама з прычыны палітызаванасці сістэмы вышэйшай адукацыі.
У зацверджанай Саветам ЛСС пазіцыі па гэтым пытанні гаворыцца пра неабходнасць істотных зменаў у сістэме вышэйшай адукацыі Беларусі. Варта адзначыць, што, па меркаванні найбуйнейшага нацыянальнага саюза студэнтаў Літвы, у цяперашні час ніводная з фундаментальных каштоўнасцяў ЕHEA – акадэмічная свабода, інстытуцыянальная аўтаномія і студэнцкі ўдзел – не прадстаўленая ў сістэме вышэйшай адукацыі Беларусі.
Нагадваем, што, пачынаючы ад мая 2011 года, ЛСС з’яўляецца каардынатарам Рабочай групы па Беларусі Еўрапейскага саюза студэнтаў (European Students’ Union Belarus Working Group) і актыўна працуе ў гэтым кірунку з мэтай стварэння роўных магчымасцяў па прадстаўленні інтарэсаў і правоў студэнтаў студэнцкімі прадстаўнікамі з Беларусі
