Campus Europae

Мэтай міжнароднага універсітэцкага кансорцыума Campus Europae з'яўляецца ўмацаванне і паскарэнне развіцця еўрапейскай вышэйшай адукацыі праз усталяванне партнёрскіх адносін і актыўнага супрацоўніцтва паміж універсітэтамі Еўропы.

Еўрапейскі гуманітарны універсітэт, адзіны з ВНУ СНД, стаў сябрам гэтай ініцыятывы ў 2002 годзе. Цяпер у кансорцыум уваходзяць 19 універсітэтаў з 16 краін, стала ідзе працэс далучэння новых партнёраў.

Асноўнымі кірункамі працы ў Campus Europae з'яўляюцца:

• гарманізацыя вучэбных планаў па абраных спецыяльнасцях; 
• узаемнае прызнанне якасці адукацыі; 
• дасягненне 100 % студэнцкай мабільнасці.

ЕГУ удзельнічае ў працы прадметных камісій па праве і гуманітарных навуках, што адкрывае студэнтам практычна ўсіх спецыяльнасцяў магчымасці ўдзельнічаць у праграмах студэнцкай мабільнасці.

Што Campus Europae можа даць студэнтам бакалаўрыяту?

- Магчымасць навучацца ў замежным універсітэце на другім альбо трэцім курсе БЕЗ СТРАТЫ ГОДА, гэта значыць, дысцыпліны, праслуханыя ў замежнай ВНУ, будуць залічаныя ў ЕГУ. Выбар дысцыплін абавязкова павінен праходзіць пад кіраўніцтвам дэкана факультэта альбо дырэктара праграмы;

- Магчымасць паглыбленага вывучэння мовы і культуры краіны знаходжання;

- А таксама мноства новых сяброў з розных краін.

Важна! Перад тым, як абраць замежны універсітэт, неабходна наведаць сайт праекту, а таксама сайты універсітэтаў, якія вас зацікавілі, і пераканацца, што спецыяльнасць, па якой Вы навучаецеся ў ЕГУ, існуе ў абраным універсітэце.