ЕГУ – ПОЗІРК У БУДУЧЫНЮ!

• Першае публічнае абмеркаванне ў новым годзе

  
  Еўрапейскі гуманітарны ўніверсітэт запрашае Вас на першае публічнае абмеркаванне ў гэтым новым годзе на тэму “Why Societies Need Freedom?”.
  
  У абмеркаванні возьме ўдзел Джэфры Гедмін (Jeffrey Gedmin), генеральны дырэктар і Прэзідэнт “Інстытута Легатум” (Legatum Institute), які таксама з’яўляецца былым генеральным дырэктарам і Прэзідэнтам “Радыё Свабодная Еўропа/Радыё Свабода” (Radio Free Europe/Radio Liberty).
  
  Імпрэза адбудзецца 3 лютага ў Novotel Vilnius Centre, які з’яўляецца спонсарам мерапрыемства. У 11:30 будзе пададзены лёгкі абед, а сама праграма завершыцца ў 13:00.
  
  Уваход на мерапрыемства – вольны, аднак колькасць месцаў абмежаваная. Таму пацвердзіце, калі ласка, свой удзел, напісаўшы на наступны адрас: stanislava.skuodyte @ ehu.lt.

• Студэнты ЕГУ – удзельнікі праекта Emediahub – знялі відэа-інтэрв’ю з прарэктарамі ЕГУ

  Прарэктары Еўрапейскага гуманітарнага ўніверсітэта (ЕГУ) падводзяць вынікі бягучай працы, а таксама распавядаюць пра перспектывы развіцця ўніверсітэта.
  
  
  Прарэктар па пытаннях адміністравання і інфраструктуры Ірэна Вайшвілайтэ характарызуе фінансавы стан ЕГУ на цяперашні момант, адказвае на пытанні пра кошт навучання і магчымасці з’яўлення сацыяльных стыпендый.
  
  
  Прарэктар па акадэмічных пытаннях А.М. Калбаска адказвае на пытанні пра рэструктурызацыю ўніверсітэта, умацаванне якасці навучальнага працэсу, скарачэнне дыстанцыі паміж кіраўніцтвам універсітэта і студэнтамі, а таксама пра вывучэнне замежных моваў у ЕГУ.
  
  Emediahub – гэта адукацыйны праект Еўрапейскага гуманітарнага ўніверсітэта, мэтай якога ёсць навучанне і падрыхтоўка выкладчыкаў і студэнтаў у сферы ТБ-журналістыкі і новых медыяў.

  Далей

• Пра карысць гуманітарнай адукацыі

  Гуманітарная адукацыя ўключае ў сябе велізарны абсяг чалавечых ведаў у сферы гісторыі, літаратуры, замежных моваў, прыродазнаўчых навук, матэматыкі, філасофіі, мастацтва, музыкі і шмат якіх іншых навуковых дысцыплін. Незалежна ад таго, з чым будзе звязаная будучая прафесія студэнта – з медыцынай, юрыспрудэнцыяй, выкладчыцкай дзейнасцю ці тэхнічнай сферай, – цягам першых гадоў навучання ў гуманітарнай ВНУ ён заўжды будзе праходзіць даволі шырокі спектр навучальных дысцыплін.
  
  Каб зрабіцца насамрэч адукаваным чалавекам, трэба навучыцца здабываць і засвойваць веды. Усе розныя віды разумовай дзейнасці – спробы адказаць на складаныя філасофскія пытанні, праца з літаратурнымі творамі, аналіз навуковых дадзеных і фармуляванне гіпотэз на падставе гэтых дадзеных – ёсць аднолькавымі па сваёй сутнасці, бо ўсе яны стымулююць разумовую працу чалавека, падвышаюць яго інтэлектуальны ўзровень.
  
  Яшчэ адзін істотны плюс гуманітарнай адукацыі – развіццё здольнасці разумець сутнасць працэсаў, якія адбываюцца ў свеце, у кантэксце звязаных з гэтымі працэсамі ідэй.

  Далей

•